Blogging

WordPress install karne ke baad kya karein? [ 10 jaruri settings]

WordPress install karne ke baad kya karein? [ 10 jaruri settings]

Kya aap naye blogger hain? Kya aap ye nahi jante ki WordPress install karne ke bad kya karein? To aaj main aapko WordPress par Website ko setup karne ke liye 10 jaruri settings bataunga. Jyadatar jo new bloggers hote hain, wo WordPress to install kar lete hain lekin bad mein ye decide nhin kar pate ki ab shuruaat kahan se ki jaye. Agar apke sath bhi aisa hi  hai to koi baat nahi.

Ye sabhi k sath hota hai, shuruaat mein! Mere sath bhi yahi samasya thi. Isliye maine post likhne ka socha, taki apko shuruaat mein koi samasya na ho kyonki aap yahan par galti karte ho to bad mein bahot problem aayegi isiliye is post ko dhyan se padhein.

Note : Jo is post mein 10 settings batayi gayi hai wo bahot jaruri hai. In settings ko pehle hi kar lena chahiye, nahin to bad mein apko pachhtana bhi par sakta hai.

WordPress install karne ke bad kya kya karein?

Pichhale article mein maine aapko bataya tha ki WordPress kaise install karein, agar aapane wo article nahin padha to use jarur padh lein. Iske bad bat aati hai ki WordPress to install kar liya hai lekin aage kya karein? 

Ab main aapko 10 WordPress settings k bare mein bataunga jise aap step by step follow karein :- 

Add new user :-  sabse pehle aap new user ko add karein. Ghabraein nahin! New user aap hi honge, new user ko add karne ka maksad yahi hota hai ki aap apna username aur password strong (impossible) rakh skaein.

Strong username aur password hone se koi hacker aapke website ko hack nahin kar payega, kyonki agar apka password aasan hoga to hacker use aasani se guess kar lega.

New user add karne ke liye

Dashboard > uers > add new par jayein aur iske bad apni detail bharein aur add new user par click karein. Detail Kuchh is prakar bharein :- 

  • Username :- Apne username ko mushkil rakhein taki koi guess na kar paye. Kabhi bhul kar bhi username ko “admin” na rakhein, nahin to apki website par hack hone ka khatra rahega.
  • Email :- Apne website ke liye ek alag email create karein aur us email ko yahan bhare. Ye email aapki password reset karne mein madad karega.
  • First name :-  Apna first name bharein.
  • Last name :- Apna last name bharein.
  • Website :- Apne website ka link dein.
  • Password :- Yah sabse jaruri part hai, website ka pura khel hi Password par tika hai. Agar password kisiko pata chala to samjho khel khatm. Iske liye jitna strong password rakhoge utna hi achha hai. Aap password generate bhi kar sakte ho.
  • Send user notification :- Ise select karein.
  • Role :- Administrator

Delete default users :- jab hum WordPress install karte hain tab hum default user create karte hain. Is user par hum username aur password bahot aasan rakhte hain, isliye ise ab delete kar dena chahiye.

Delete karne ke liye Dashboard > Users > All users par jayein, ab apne default user ko delete kar dein.

Delete default post :- Jab hum WordPress install karte hain, tab default post apne aap create ho jata hai. Is post ko delete karna jaruri hai kyonki iski humein koi jarurat nahin hoti. Yah sirf demo k liye hoti hai.

Agar hum ise delete nahin karte to baad mein ise delete karne se 404 error ki samasya create ho jati hai. Ise delete karne ke liye sabse pehle Dashboard > Post > All Post par click karen. 

Ab default post ko select karein aur ab default post ko select karein aur upar drop down menu se “ move to trash” select karein. Apply par click karein. Aap direct trash par click karke bhi delete kar sakte hain. 

Delete default page :-

Post ki tarah default page bhi create ho jata hai. Ye page sample page hota hai, jo humare kisi kam ka nhi hota. 

  1. Dashboard > Pages > All Pages par jayein
  2. Select default ( sample) page
  3. Click on trash

Ab baari aati hai general settings ki. Ye WordPress settings karni bhi jaruri hai. Jab aap Hosting mein WordPress install karte hain , tab aap kuchh settings jaise website name ,tag line aur email ki option ko default rakhte hain to ab time aa chuka hai ise change karne ka. 

       To phir ise change karne ke liye Dashboard > Settings > General par click karen , ab niche bataye gaye steps ko dhyan se padhein :-

 Site title :- Yahan par apni website ka naam bharein.

Tag Line :- Yahan apni website ke liye ek tag line likhein , jo aapke website k topic ko show karta hai. 

WordPress Address (URL) :- Isse aap default hi rehne de.

Site Address (URL) :- Ye aapki  website ka Domain hota hai. Isse bhi waise hi rehne de. Yaha koi fer badal na kare, nhi to aapki website open nhi hogi.

Email Address :- Yaha par apna email bhare kyunki iss email par aapko WordPress ki notification milegi.

Membership :- Isse uncheck hi rehne de.

New User Default Role :- Jab bhi koi aapki website par login krta hai, uska kya role hona chahiye, yahan se choose kare. Website ki security ke liye yahan par subscriber hi rehne de. Kabhi bhi bhulkar Admin Select na karen.

Site Language :- Apni website ki bhasha select karein.

Timezone :- Apni location Ka Timezone select karein. Isse aap Google par search kar select kar sakte hai. Lekin agar aap India me hai to UTC +5:30 select karein.

Date & Time Format :- Date aur Time ka format select karein.

Save par click karein.

WordPress setup ki ye setting aapki website ke SEO k liye bahut jaruri hai. Permalink aapki post ka link hota hai jaise humari iss post ka Permalink hai- https://techzls.com/wordpress-install-karne-ke-baad-kya-kare/ aur iska format hai- ( Domain Name + post name ).

Kyonki ye format SEO friendly hai, to aap bhi apni website ka Permalink Post Name hi chune. Default me format Day and Name hota hai, jo SEO ke liye sahi nhi hai.

Agar aap Blogging se money earn karna chahate hai, to uske liye jyada web traffic hona chahiye aur traffic ke liye aapki website Google par rank karni chahiye. Rank karne ke liye jaruri hai SEO friendly Articles.

Aur SEO Friendly Articles likhne ke liye aapki jarurat hai ek badhiya SEO Plugin ki. To samajh gaye aap! Mai kya kehna chah raha hu?

WordPress ke liye 2 sabse badhiya SEO Plugin hai Yoast SEO aur All In One SEO Pack. Ye dono hi sabse jyada download kiye ja rahe hai aur dono ki user ratings bhi kafi badhiya hai.

Kon sa jayada badhiya hai?

Waise dono hi badhiya hai, lekin agar meri opinion chahte hai to mai aapko Yoast SEO ko use krne ki salah dunga kyonki ye use karne me All in One SEO Pack se thoda aasan hai aur iski rating bhi jyada hai.

Baaki aap khud dono ko use karein aur dekhen ki aapki website ke liye kon sa jayada behtar hai.

Apni website ki loading speed ko fast karne ke liye ek Cache Plugin ki jarurat hoti hai, Cache Plugin website ka data Browser me store kar deta hai.

Jab bhi koi user aapki website ko dubara open krta hai, to Cache Plugin website ka Cache data direct browser se load karwa deta hai jis se kam Internet speed ke saath bhi website jaldi load ho jati hai.

Top Cache Plugins :-

W3 Total Cache : W3 Total Cache ek badhiya plugin hai jo aapki website ke liye cache data ki service provide karta hai, ye kafi fast bhi hai aur iske istemal karne se aapki website par koi jayada load nhi padega, isme aapko bahut sare features bhi milenge. Iski rating bhi kafi jayada acchi hai.

WP Super Cache : Ise WordPress ki Company Automattic ne develop kiya hai. Iss plugin ki user rating kafi badhiya hai. Iss plugin ko abhi tak 2 Million+ logo ne apni website par install kiya hua hai.

WP Fastest Cache : Iss plugin ki user rating sabse badhiya hai. Ye sabse teji se grow kar raha hai. Iskei sabse badhiya baat ye hai ki isse install karna aur use karna kafi aasan hai. Agar aap ko technical knowledge kam hai to bhi aap isse aasani se setup kar sakte hain. Iski cache speed bahut fast hai.

  • Apni Website Ko Secure Karein :-

Website ki security sabse important part hota hai – Kisi bhi website ka, kyonki har din 30,000 se jayada website hack ki jar rahi hai. Aise me agar aap isko nazar andaz karte hai to savdhan ho jaye, kyonki kabhi bhi aapki mehnat par paani phir skta hai. Iss liye jaruri hai, aap apni website ko pehle hi secure kar le. Niche mai kuch security plugin ke bare me bata raha hu jo badhiya bhi hai aur free bhi hai :-

Wordfence : WordPress setup karte waqt ye plugin ko jaroor install karen. Ye plugin sabse jyada popular security plugin hai. Isme Firewall, Malware Scan, Blocking aur live traffic jaise badhiya feature mauzood hai.

Bulletproof Security : Ye plugin bhi kafi teji se grow kar raha hai. Isme Malware Scanner, Firewall, Login Security, DB Backup aur Anti-Spam jaise powerful features mauzood hai.

iTheme Security : Ye plugin light weight hai. Isse use karne se aapki website ke hosting sever par load bahut kam parta hai. Ye mera all time favourite Security plugin raha hai. Isme login path ko hide karne jaise badhiya feature mauzood hai aur wo bhi free version me.

  • In Plugins ko bhi Install Kar Le :-

Agar aap WordPress me blog bana rahe hai to kuch aise plugin hai jinhen aapko install kar lena chahiye. Har professional blogger in Plugins ko pehle hi install kar lete hain.

WordPress setup Plugin lists :-

Akismet Anti-Spam : Ye plugin aapke blog par pehle se hi maujud hota hai. Ye plugin aapke website ko spam comments se bachata hai. Ise WordPress ki Company Automattic ne develop kiya hai. 

Contact Form 7 : Is plugin ka use contact form create karne ke liye kiya jata hai. Ye bahot simple aur easy to use hai. Ise 1 million plus se logon ne install kiya hua hai. 

Updraft Plus : Is plugin ka use website ka backup lene ke liye kiya jata hai. Mujhe is plugin ki sabse badhiya baat ye lagi ki isme aap apne blog ke backup ko Google Drive, DropBox aur bhi kayi online storage mein upload karke store kar sakte hain.

Smush : Ye plugin kafi popular hai. Ise website ki images ko compress karta hai jis se image ka size kam ho jata hai aur website ki loading speed bhi kam ho jati hai.

  • Install new theme and delete old one : 

Sabse pehle aap unused themes ko delete kar dein jiski aapko jarurat nahi hai aur new theme ko install kar lein.

New theme ko install karne ke liye Dashboard > Appearance > Theme par jayein. Ab aap add new par click karein aur theme ko search karke install kar lein. Niche main aapko kuchh free aur paid theme ki list de raha hu jo kafi badhiya hai :

Free WordPress themes- 

  • Schema Lite
  • Astra
  • Hueman
  • Colormag
  • Socially Viral

Paid WordPress theme :

  • Genius framework
  • Newspaper 9
  • Avada
  • Divi
  • Publisher
  • Ye pages jarur create karein :

Ab aapne WordPress setup kar liya hai. Iske baad aapko kuchh important pages create karne honge jo aapke users ke liye aur Adsense approval ke liye bahot jaruri hai. 

Agar aapki website par koi visit karta hai to use pata hona chahiye ki vah kis website par hai, is website ka kya niche aur yah kaise kaam kar rahi hai.

Important pages list :

  • Home
  • Blog page
  • About us
  • Contact us
  • Privacy policy
  • Disclaimer
  • Terms and conditions

To doston yah thi WordPress install karne ke bad kya karein ki complete guide. Mujhe ummed hai ki apko WordPress install karne ki puri jankari mil gayi hogi. Agar phir bhi aapke man mein koi sawal hai to aap humse comment karke puchh sakte hain.

About the author

admin

Leave a Comment