Education

One Time Password (OTP) Kya hai? OTP Meaning in hindi

One Time Password (OTP) Kya hai?

Kya aap jante hai ki One Time Password ya OTP kya hai? Agar nahi, to iss post ko jarur padhe. Aaj ke waqt me lagbhag ham sabhi log apna sara kaam ghar baithe online hi kar lete hain jaise ki mobile recharge ho ya phir shopping, to aise me iss digital duniya me hamari security bahot jayada mayne rakhti hai taki hamara personal data aur account dono hi anjaan aadmi se safe rahe.

Jab hum net banking ki madad se online transactions karte hai, mobile recharge karne ke liye ya phir kuch saman kharidane ke liye tab sabhi details bharne ke baad last me ek code aata hai jise hum OTP kehte hai. Aap sabhi ne OTP ke bare me suna hoga aur iska use bhi kiya hoga, lekin kya aapko pata hai ki iska use kyu kiya jata hai? Agar nahi jaante hai to koi baat nhi. Aaj ke iss lekh One Time Password (OTP) kya hai me aap jaan jayenge.

One Time Password ya OPT kya hai?

One Time Password (OTP) ek security code hai jo 6 digits ka hota hai aur iska use hum online transactions krte waqt krte hain.

Jab hum kisi E-commerce website se kuchh saman kharidate hain tab hum apne ATM card se uska payment krte wakt apne banking details bharne ke bad aakhir mein ek security code aapke bank mein registered mobile number par ek sms ke roop mein jata hai jise hum OTP kehte hain.

Us sms mein ek code hota hai jise bharne ke bad hi humara payment safal hota hai. Iske bina aap online kahin bhi transaction nhin kar payenge.

OTP ka istemal kyun kiya jata hai?

OTP ek password hai jo normal password yani ki jo password user apna account banate wakt create krte hain unse bilkul alag aur safe hota hai,jaise ki jab hum kisi bhi website mein apna account banate hain to hum apna username aur password create karte hain,hum jo password create hain wo bahot hi saral rakhte hain jaise humara naam ya date of birth ya aur kuchh taki humein wo aasani se yaad rahe lekin ismein humein hackers se khatra hota hai kyunki wo aasani se humare password ko hack kar humara details chura sakte hain.

Ya phir aisa bhi ho sakta hai ki koi vyakti jo aapke jan pehchan ka ho agar use aapka username aur password pata ho to wo bhi aapka account ka istemal kar galat fayda utha sakta hai, isliye aajkal sabhi banks, bahut sare e-commerce website aur online recharge karne wale websites ne OTP ka istemal karna shuru kar diya hai jisse unke users ka account surakshit reh sake.

OTP aapke account ko safe rkhta hai aur aapke banking aur personal details ko chori hone se bachata hai.

OTP se kya fayde hote hain?

OTP se humara sabhi account jaise Google account,Net banking, bank account,ityadi sabhi surakshit rehte hain.

OTP ki khasiyat ye hai ki isse jo code generate hota hai uska istemal sirf ek hi bar kiya ja sakta hai aur wo sirf kuchh samay ke liye hi valid rehta hai agar us samay ke andar humne code ka istemal nahi kiya to phir wo code humare kisi kaam ka nahin rehta yani ki hum jitni baar bhi online transaction karte hain utni baar ye code alag alag generate hote hain jisse humara account puri tarah se secure hokar rehta hai.

Agar aapke kisi bhi account ka username aur password kisi anya vyakti ko pata bhi ho tab bhi wo aapke account ka istemal nahi kar payega kyonki uske liye OTP ki jarurat hogi jo sirf aapke registered mobile number par ya phir aapke email id par hi aayega iske bina wo aapke account ka galat fayda nahi utha payega.

OTP ka istemal kahan kahan kiya jata hai?

OTPka istemal sabse jyada to net banking mein online transactions karne ke liye kiya jata hai iske alawa Google ne bhi users ke account ka istemal karna shuru kar diya hai jisko activate karne ke bad koi bhi dusra user apne device se aapke account ka details daal kar login nhin kar sakta kyonki Google wahan par verification karne ke liye OTP password mangega jo sirf aapke sms ke jariye aapke mobile number par OTP code aayega.

Is code ke bina wo user aapke account ko access nahi kar payega. Sabhi e-commerce website jaise Amazon, Flipkart, Snapdeal,eBay, ityadi aur digital wallet ki seva pradan karne wale online private companies jaise Paytm,Freecharge, mobikwik,oxigen wallet ityadi sabhi apne customers ke account ko safe rakhne ke liye ek OTP ka istemal kar rahe hain.

OTP ke fayde- Advantages of OTP

Chaliye ab jante hain ki OTP ke fayde kya kya hote hain.

Suraksha ko badhane ke- yah ek prakar ka suraksha code hota hai. Aisa isliye kyonki yah user ka ek suraksha kawach hota hai. Wahin iske sath yah user ke password chori hone par bhi uska account surakshit rkhta hai kyonki bina OTP ko enter kiye koi anya vyakti use access nahi kar sakta hai.

User ka pramanikaran- iske dwara user ka pramanikaran ho jata hai. Aisa isliye kyonki OTP kewal user k registered mobile number par jata hai. Agar sahi user hi apne account k madhyam se koi gatividhi kar raha hai jaise password badalna, mobile number update karna,aadi to inke pramanikaran ke liyesystem user ke dwara chune gaye tarike k anusar use OTP bhejta hai. Ise enter karne par hi action ko valid mana jata hai.

Spaming se bachav- jab hum online paise ka len den karte hain to bank khata dharak se anumati lene ke liye OTP bhejta hai taki asal khatadharak ki pehchan sabit ho jaye. Isse hum thugi ka shikar hone se bache rahate hain aur financial transaction mein hi iska sabse jyada upyog kiya jata hai.

Double Security enable kar sakte hain- Hum OTP ke dwara apne account ya social media account ( fb, whatsapp, twitter,etc.) par OTP double security enable kar sakte hain aur unhen jyada surakshit bana sakte hain taki koi dusra user use access na kar sake.

Free- yah puri tarah se free hota hai. Iske liye user ko koi atirikt shulk nahin dena padta hai.

Tej- OTP se original user ki pehchan seconds mein sabit ho jati hai. User ko apne documents lekar magistrate ke pas hajir nhin hona hota hai.

Aaj aapne kya sikha?

Mujhe ummed hai ki meri yah lekh OTP kya hai jarur pasand aayi hogi. Meri hamesha se yahi koshish rehti hai ki readers ko OTP ki puri jankari mil jaye jisse unhein kisi dusre sites ya internet mein dusre articles mein khojane ki jarurat na pade.

Isse unke samay ki bachat bhi hogi aur ek hi jagah unhen sabhi information bhi mil jayenge. Yadi apke man main is article ko lekar koi bhi doubt hai ya aap chahate hain ki isme koi sudhar honi chahiye to niche aap comment mein likh sakte hain.

Yadi apko yah post pasand aaya hai ya aapko kuchh naya sikhane ko mila hai to ise social network pe share karein. Dhanywaad.

 

About the author

admin

Leave a Comment